সিলটী গান

সিলটী গান
মাহমুদুল মান্নান তারিফ

সিলট ফুটাইয়া ফুল জালাল বাবা ঘুমাইলা
মানুষরূপী পশু ছিলা গৌরগোবিন্দ রঙিলা।।
বুরহান উদ্দিন খাজা ছাবে খরতে ফুয়ার আকিকা,
গরু একটা জবাই খরলা আরো খরলা লায়লিল্লা'।।

খাজার বাড়ি চিল আইলো মাংসও লইয়া গেলো,
গৌর-রাজার বাড়ির উঠানো নিয়া ফালাইলো,
গোরগোবিন্দ দেইখা ক্ষোভে খাজারে শাস্তি দিলা,
এমন খবর শুনিয়া হক্কলে খইলা নাউজুবিল্লা।।

খাজা ছাবে মনো দুঃখ ফাইয়া আল্লা'র গছে সঁপিলা,
আল্লা' দোয়া কবুল খইরা সিলট জালালরে পাঠাইলা,
জায়নামাজ বিছাইয়া বাবা বরাকনদী ফারইলা।
সিলট ফুটাইয়া ফুল জালাল বাবা ঘুমাইলা।।